Mõtsan võit äkki arvo saiaq, et ei mõistaq kodo minnäq. Midä sõs ette võttaq?
Ärq peläkuq! Sinno lövvetäs kimmähe üles. Ku lähkün om mõni suur puu, sõs mineq tuu mano!
Naaku-iq ümbre juuskma! Tuuga õnnõ väsütät hindä ärq.
Ku lähkün om mõni suur puu, sõs mineq tuu mano!
Hädaabinummõr 112
Annaq hindäst teedäq hõikmisõ vai vilistämisega!
Ku sul mobiiltelefon üten om, sõs kõlistaq kodo vai politsei hädäabinumbri 112 pääle!
Uutõn pästjit
Ehidäq hindäle lüüv!
Sainu jaos säeq ossaq lüngi ja kataq lehti ni hainoga! Löövi põrmandu pääle laodaq paks kõrd ossõ, lehti ja haina! Kaeq perrä, et su rõivil olõsi nöpsiq kimmähe kinniq! Sõs nakka-i külm.
Mille tulõ hindäle kimmähe lüüv ehitäq?
Kullõq ja kaeq luulõtust!
Rainer Rahasepp „Ku lää mõtsa", lugõvaq Joanna Kokmann ja Rainer Rahasepp.
https://www.youtube.com/watch?v=C8ytxsKDt80
Peläku-iq, ku kuulõt võõridõ inemiisi hellü vai näet helikoptõrit lindaman! Ku sinno nätäs, sõs tuldas kimmähe appi.
- Naka ümbre juuskma.
- Ku lähkün om mõni suur puu, sõs läe tuu mano.
- Panõ rõivil nöpsiq kinniq.
- Olõ vakka.
- Anna hindäst teedäq hõikmisõ vai vilistämisega.
- Ku mul mobiiltelefon üten om, sõs kõlista kodo vai politsei hädäabinumbri 112 pääle!
- Võta kõik rõivaq säläst ärq.
- Pästjit uutõn ehidä hindäle löövi.
- Ku kuulõ võõridõ inemiisi hellü vai näe helikoptõrit lindaman, sõs käki hindä ärq.
